Энэ жил номын баярыг Улаанбаатар хотод 30 дахь удаагаа зохион байгуулсан бол энэ намраас орон нутагт тойрон ажиллах үйл ажиллагааг эхлүүлжээ.
Цааш унших
Номын ертөнц
Ном бол бүтээлч сэтгэлгээний эх булаг.
Хүн бүхэн мэдлэг, мэдээлэл, боловсролыг цахим орчноос авах боломжтой болсон энэ цаг үед цаасан хэвлэл, номын соёлыг бүрэн гээсэнгүй. Хүн төрөлхтний оюун сэтгэлгээний охь болсон сонгодог уран зохиолуудыг хэвлэмэл хэлбэрээр нь унших явдал харин ч эсрэгээрээ газар авч байна. Харин номын соёлыг олонд хүртээмжтэйгээр түгээн дэлгэрүүлэх, нийтэд сурталчилан таниулах, зохиолч уншигчдыг холбосон гүүр болж буй нэгэн цогц, нийтийг хамарсан томоохон арга хэмжээ буюу “Үндэсний номын баяр” ирэх сарын 20-22 өдрүүдэд 31 дэх удаагаа зохион байгуулагдахаар болжээ.
Ном бол...
Ном бол ...
Ном бол зүтгэлийг мэдлэгжүүлдэг хэрэгсэл юм.
Д.Жаргалсайхан
Ном бол нийгмийн соён гэгээрэл, мэдлэг боловсрол, эрдэм мэдлэгийн үндэс юм.
А.Ундраа
УИХ-ын гишүүн, Физикийн ухааны доктор
Ном бол оюуны хоол, тархины тэжээл юм.
Б.Сарантуяа
Зохиолч, сэтгүүлч
Номын гэгээ туссан газар хүмүүний чанар бүтэн оршдог.
Г.Мөнхцэцэг
Яруу найрагч
Хүнийг хамгийн ихээр үнэ цэнэд оруулдаг бүтээгдэхүүн бол ном юм.
Ч.Найдандорж
Театрын найруулагч
Ном бол миний сэтгэлийн болоод оюуны хаан байдаг. Миний нүд номыг илэхгүйгээр хэзээ ч тайван байж чадахгүй.
Б.Лхагвасүрэн
Зохиолч, яруу найрагч
Техник технологи хичнээн өндөрт хөгжсөн ч хүн төрөлхтөний бодож олсон бүх гайхамшгийн охь манлай нь ном байна гэдэгт би итгэдэг.
Б.Шүүдэрцэцэг
Зохиолч, сэтгүүлч
Ном бол дампуурдаггүй банк.
Т.Султан
Монгол Улсын Соёлын гавьяат зүтгэлтэн
Номгүйгээр соён гэгээрэлд хүрэх боломжгүй, соён гэгээрэлгүйгээр хөгжил дэвшилд хүрэх боломжгүй.
Б.Наминчимэд
Зохиолч, сэтгүүлч, нийтлэлч
Бидний тархи толгой байнга завгүй байх ёстой юм. Үүний тулд ном хэрэгтэй.
Р.Энхбат
”Эдмон” ХХК-ны ерөнхий захирал
Ном бол хөлс нэхдэггүй профессор.
Ж.Нэргүй
Орчуулагч, яруу найрагч, сэтгүүлч
Номоор бид хаана ямар түвшинд явж байгаагаа мэднэ. Мэдэхийн тулд ном жамыг, жам номыг, ном зүйг дагах ёстой. Үүнийг л дагавал аливаа юм бүтэх номтой. Ном бол миний дээд шүтээн.
Ц.Дэмбэрэл
Монгол Улсын гавьяат багш, доктор, профессор
Ухаанаа тэлье гэвэл ном унш.
Н.Жанцанноров
Урлаг судлалын ухааны доктор, профессор, Хөгжмийн зохиолч
Ном бол нам биш.
Ц.Чимэддорж
Яруу найрагч
Хүүхэд байхад ном надад давуу эрх олгопог байсан. Тиймээс уншдаг хүн бусдаас дандаа давуу эрхтэй.
С.Цацралт
Гэрэл зурагчин
Ном хүний сэтгэлийг боловсруулдаг зүйл.
Г.Пүрэвбат
Бурханч лам, зураач
Номгүй амьдарч байгаа хүмүүс ямар хэцүү вэ.
Д.Төрмөнх
Кино зохиолч, сэтгүүлч
Ном бол миний дайсан. Би номыг нээхдээ миний ухаан хүрэх болов уу гэж айдаг.
П.Батхуяг
Утга зохиол судлаач, шүүмжлэгч
Ном бол ертөнцийн түүхийн хамгийн том бичиглээс...
Б.Дашзэвэг
Ном бол амьдралтай тэнцүү багш.
Зөв амьдрах, хүн шиг хүн болгох багш бол ном.
Д.Урианхай
Утга зохиолын доктор, яруу найрагч
Ном бол ертөнцийг харах цонх биш юм. Харин миний багаж хэрэгсэл.
Д.Батбаяр
МУСГЗ зохиолч
Хорвоо хоёрхон нартай юм. Нэг нь тэнгэрийн нар нөгөө нь оюуны нар. Оюуны нар бол ном.
Т.Галсан
Ардын уран зохиолч
Ном уншичихаар л ухаан нэмэгдээд явчихна гэж байхгүй.
Гэхдээ ном уншихгүйгээр ухаанаа нэмэх арга байхгүй.
Б.Цэнддоо
Зохиолч, сэтгүүлч
Ном бол хүн төрөлхтөний бодож олсон хамгийн том үнэт зүйл.
Г.Аюурзана
Зохиолч, яруу найрагч
Ном бол арав дахь эрдэнэ.
П.Бадарч
Ардын уран зохиолч
Үндэсний номын баяр V сарын 20-оос 22-ний өдрүүдэд болно
31 дэх удаагийн Үндэсний номын баярыг V сарын 20-оос 22-ний өдрүүдэд нийтээр тэмдэглэн өнгөрүүлэх юм.
Тус номын баярыг Номын соёлт ертөнц ТББ-ын санаачлага дор зохион байгуулсаар ирсэн. Уг баярт уншигчид хүндэлж, хайрладаг зохиолчидтой уулзах, номон дээрээ гарын үсэг зуруулах боломж олддог.
Цааш унших